JOSHBIE ON SPOOKY NIGHTS this 04/14/12

Ngayong Sabado sa Spooky Nights ng GMA-7 ay itatampok ang tinitiliang tambalan nina Joshua Dionisio at Barbie Forteza o “Josh-Bie” sa episode na pinamagatang Spooky Nights presents Kalansay. Makakasama nina Joshua at Barbie sina Joyce Ching, Renz Valerio, Jace Flores, Jan Marini, Tiya Pusit at Onyok Velasco.

Sa Spooky Nights presents Kalansay, partners-in-crime sa kanilang mga pranks sina Anton (Joshua Dionisio) at Sherwin (Renz Valerio) at lagi nilang nabibiktima ang ate ni Sherwin na si Cheska (Barbie Forteza). Pero makakatagpo ng katapat ang dalawa nang may lumipat na bagong kapitbahay sa isang pinapaupahang kwarto nina Cheska.

Mula nang lumipat ang mga kapitbahay nagsimula ang mga weird na kaganapan sa neighborhood. Nawala ang aso ni Cheska at ang boy nila ay biglang naglaho rin.

Magiimbestiga sina Sherwin at Anton at madidiskubre nila na nagiging mga halimaw na kalansay pala ang kanilang mga bagong kapitbahay.

Walang maniniwala kina Sherwin at Anton dahil laging nagbibiro ang dalawa. Ngayon kailangan nilang kumilos para pigilan ang mga halimaw na kapitbahay bago pa sila maging biktima ng mga ito.

Abangan ang exciting na kwentong ito ngayong Sabado (April 14) sa Spooky Nights presents Kalansay, pagkatapos ng Manny Many Prizes sa GMA-7. Courtesy: Kapuso Central